?

Log in

No account? Create an account

Previous Entry | Next Entry

Гэта, насамрэч, адзіная арыгінальная нясьвіская гарматы, якая ў хуткай будучыні будзе абараняць гонар замка перад натоўпамі турыстаў. Я маю на ўвазе гармату, якую колькі месяцаў назад знайшлі ў пад час чысткі замкавага рова. У пачатку студзеня мне пашчасьціла патрапіць у Нясьвіж, каб аглядзець гармату. І ... мушу Вам прызнацца яна проста непрыступная ў пытаньні атрыбуцыі. 

Што пакуль магу напісаць. Гармата адліта жалеза (хаця я зь цяжкасьцю разьбіраюся ў мэталах, аднак на гэта ўказвае іржа, якая яе апанавала). Калібр - 10 см. Вагамер адпаведна - 6,5 фунтаў, інымі словамі страляла жалезнымі ядрамі вагой 6,5 фунтаў (каля за 3 кг). паводле клясыфікацыі XVI-XVIII ст. - актава, ці восьмая частка картаўны (картаўна мела вагамер 48 фунтаў). Даўжыня гарматы 240 см, ці 24 калібры, што дазваляе аднесьці да кароткіх гармат (паводле Т.Новака). І гэта ўсё((( ... ніводнай інскрыпцыі, ні самага просьценькага значка, хаця б хто што на ёй нацарапаў. Таму яшчэ адна займальная загадка на будучае.)

Але глядзіце самі на яе адзіную:



















Будзем спадзявацца, яна ня доўга будзе адна сумаваць і прычакае сабе мужную кампанію.

Comments

( 11 comments — Leave a comment )
suziralnik
Jan. 25th, 2011 12:09 am (UTC)
Адзіная? А роў ці добра прачысьцілі, ці мэтала-дэтэктарамі яго праходзілі, што там яшчэ ляжыць?
wouk
Jan. 25th, 2011 07:42 am (UTC)
Наколькі мне вядома, такая ідэя была і пошукі праводзіліся, але зусім нядаўна. Наконт вынікаў, на жаль, нічога ня ведаю.
suziralnik
Jan. 25th, 2011 03:21 pm (UTC)
Сапраўды, прайсьці мэтала-дэтэктарам рвы падчас прачысткі афіцыйна нашмат прасьцей. -- Бо тое самае ў Міры ці Наваградку ці Лідзе трэба было-бы афармляць як "раскопкі", з усёй працэдурай і справаздачнасьцю, а пры "прачыстцы" проста бяры з рова што падабаецца :)
wouk
Jan. 25th, 2011 03:27 pm (UTC)
Падаецца справа проста і новы дырэктар хоча гэта зрабіць! У тэорыі мусіць весьціся археалягічны нагляд, а ўвыпадку такога замка ён мусіць быць добра забясьпечаны абсталяваньнем! але па факце Кастрычніцкі будтрэст грабе грошы, а самага банальнага мэталашукальніка ў музэя няма(
suziralnik
Jan. 25th, 2011 03:32 pm (UTC)
(У прыватны. мэсаджы).
kurt_bielarus
Jan. 25th, 2011 08:26 am (UTC)
Можа быць, напалеёнаўскіх часоў?
wouk
Jan. 25th, 2011 03:28 pm (UTC)
Думаю, Вы маеце рацыю, бо гармата яўна 18 ст., а значыцца гэта ўтварылі ня швэды. Знайсьці б дакумэнтальнае пацьверджаньне ...
suziralnik
Jan. 25th, 2011 03:31 pm (UTC)
Хутчэй перад-напаліёнаўскіх. З памеру зыходзячы, гэта мабыць замкавая гармата, а не палявая, т.чын. з напаліёнам яна наўрацьці зьвязаная.
wouk
Jan. 25th, 2011 06:43 pm (UTC)
Наконт памераў, то 6-і фунтовыя і ў полі і на вале выкарыстоўваліся, не праблема. Але вось з уладальнікам ... і з іх шляхам у роў гэта цікава) маю надзею па замкавых інвэнтарах неяк іх вылавіць!
suziralnik
Jan. 25th, 2011 03:28 pm (UTC)
Мне здаецца гэтая гармата падобная да тых, што ў 2008 знойдзены пры менскім замчышчы:
http://belapan.com/archive/2008/04/18/by_pushki_ph/
Відыё: http://www.youtube.com/watch?v=DXFOCcisbVQ
wouk
Jan. 25th, 2011 06:41 pm (UTC)
Пагаджуся з Вамі, гарматы, відаць, з аднаго часу! Наконт таго ці 6-і фунтовыя гарматы ёсьць палявымі ці абложнымі мне цяжка сказаць, бо іх у абодвух варыянтах выкарыстоўвалі, ды і пакуль я ня вялікі спэцыяліст у гэтай справе. У бліжэйшае вяртаньне ў Менск зьбіраюся патрапіць паглядзець на іх, тады і фотак больш выкладу. Маю надзею, што хоць на іх ёсьць якія знакі!
( 11 comments — Leave a comment )

Latest Month

November 2018
S M T W T F S
    123
45678910
11121314151617
18192021222324
252627282930